في يوما ما

و حزرو انا مين انا الكسلانه😹✌️ 

المهم نبدأ في تدوينة اليوم 

تم ترا رااا 😂😂< المفروض انها موسيقا

طيب ي هوانم ندور عاله جديده على الناطقين بشي 😬

نماستي << عاله جديده على التاطقين بالهنديه 

تخيلو بسبب حالي الحزين بدون لاب 

و الكتابه على طول في برنامج بلوق اللي عندي سيء جدا 

مطره اني اكتب في المفكره و بعدها انقلو و ارستكو هناك 😭

المهم حال ولدي الجميل اللاب الصلاح اللي يصلح الأشياء ومنهم ولدي العزيز<< انا اقلو صلاح هوا صلاح ولا سمكري ؟ 

مو مهم 

قال انو الهاردسك حق اللاب خربان مع انو الهاردسك صح شويه و يتفل في وجهي انو مافيلو مساحه بس على مين ما يمشي معايا الهرج الفاضي دا 

المهم المهم سيبوكم من دا 

نرجع لأحداث حياتي 😻✌️ 

بعد ما خلصنا من حفلة صحباتي بدأت اجهز للحفله الجميله حقت بنت خالتي 😻✌️ 

يب يب بدري بدأت اجهز 

بس تصدقو كنت بسويها و احس اني Wedding planner بس انو باي باي سنقل 😹😹✌️ 

والله الحفله المثاليه بالنسبه ليا 

في البدايه كنت ايوه انا بعمل حفله بس 

بعدين بدأت اعملها ويكأنها حفلتي

كانت فكرة الثيم كدا

اللي هيا لي هيوري 

بالفستان الطاير 

تصدقوو طفشت حقت الكيك كل شويه ارسلها ركزي ابغى الفستان طاير باين سروالها ههههههه 

الصور معدومه مو انا مصورتها و مني لاقيه احد مصور عدل حسبي الله 

يباغالي تلطيش 

المهم الحمد لله انها عجبتها في النهايه 

دا قبلها بيوم تخيلو 4 ساعات انا احمل أغاني و لما جيت اشغالها تجي اسم اغنيه شكل و الأغنيه شكل تاني

منجد حسيت بأزمه يومها

و انا ما اسمع اغاني عربي يعني ما اعرف اصلا مين الناس ولا اي شي بس انو لما بخرج و جوالي في الأغلب يكون بحطو في الأغاني عند بس كدا في جوال

المهم في يوم الحفله مره حماس و من كدا اي شي يشتغل ابغى ارقص انا بس ابغى اسوي هبل و مع الهبل اللي بعملو الكل سار بيتحمس

اللمهم منجد بعصر مخي مو مفتكره شي

_______________

ملاحظه : 

كتبتها من زمن و شكلو نسيت ايش سار عشان كدا انزلها زي ما هيا المهم تفضل في المدونه ما ابغى اشياء مختفيه